पछिल्लो २४ घण्टामा थप ५ सय ३३ जनामा कोरोना भाइरस संक्रमण पुष्टि भएको छ । १४ हजार ९ सय १८ पीसीआर परीक्षणमा ४ सय ४३ जना र एक हजार ८१८ एन्टिजेन परीक्षणमा ९० जनामा संक्रमण पुष्टि भएको हो । हालसम्म पीसीआरवाट ८ लाख १५ हजार ३ सय ७२ जनामा संक्रमण पुष्टि भएको छ ।

एन्टिजेन विधिबाट भएको परीक्षणमा ९४ हजार ९ सय २६ जना संक्रमित भएका छन । एकैदिन ४ सय ८४ जना कोरोनामुक्त भएका छन । हालसम्म ७ लाख ९६ हजार ३ सय ६ जनाले कोरोना जितेका छन । हाल देशमा कोरोना भाइरसको सक्रिय संक्रमितको संख्या सात हजार ६ सय १२ रहेको छ । आईसीयूमा १ सय ९९ र भेन्टीलेटरमा ५५ जना उपचाररत छन् ।

होम आईसोलेशनमा ७ हजार ७७, संस्थागत आईसोलेशनमा ५ सय ३५ र क्वारेन्टाइनमा १ सय १० जना छन् । पछिल्लो २४ घण्टामा कोरोना संक्रमणबाट एक जनाको मृत्यु भएको छ । हालसम्म कोरोना भाइरसको संक्रमणबाट मृत्यु हुनेको संख्या ११ हजार ४ सय ५४ पुगेको छ ।

यस्तै मंगलबार थप ४३ हजार ३ सय ८० जनाले कोरोनाविरुद्धको खोप लगाएका छन । नेपालमा अहिलेसम्म ७४ लाख ६८ हजार नौ सय १४ जनाले पूर्ण मात्रा र ८७ लाख ४७ हजार सात सय १२ जनाले कम्तीमा एक मात्रा खोप लगाएका मन्त्रालयले जनाएको छ ।

 

प्रतिक्रिया

सम्बन्धित खवर

ताजा समाचार

लोकप्रिय