विषयगत शिक्षक अभावका कारण पठनपाठन प्रभावित भएपछि बाराको पचरौता नगरपालिका भित्र रहेका विधार्थीहरु आन्दोलित भएका छन । नगरपालिकाको भित्र रहेको विद्यालयमा विषयगत शिक्षक अभावका कारण पठनपाठन अवरुद्ध भएपछि विद्यार्थीहरु आन्दोलनमा उत्रिएका हुन ।

आन्दोलित विद्यार्थीहरुले शिक्षकहरुलाई विद्यालयको कार्यालयभित्रै थुनेर तोडफोड गर्नुका साथै नगरपालिका कार्यालय समेत घेराउ तथा तोडफोड गरेपछि प्रहरीले स्थित नियन्त्रण गर्ने क्रममा झडप समेत भएको थियो । झडपमा केहि विद्यार्थी घाइते समेत भएका थिए ।

नगरका विद्यार्थीहरुले बिद्यालयको समस्या र माग बारे नगरपालिकाका नगर प्रमुख नरेश कुमार यादवमाझ राख्न जादा पयादवले प्रहरीको प्रयोग गरि विद्यार्थीमाथी लाठीचार्ज गरेको स्थानीय विद्यार्थी तथा अभिभावकको आरोप छ । उनीहरुले नगरपालिका सबै बिधालय बन्द गराएका छन ।

स्थानीयले पनि नगरपालिकाको माग पूरा नभए सम्म आन्दोलन जारी राख्ने बताएका छन । विद्यार्थीहरुले विषयगत शिक्षकको व्यवस्था गरेर नियमित पठनपाठन हुनु पर्ने, विद्यालय व्यवस्थापन समितिको चयन गरिनु पर्नेलगायतको माग राखेका छन ।

पचरौता नगरपालिकामा शिक्षक दरबन्दी मिलान, पदपूर्ति र नियुक्ति प्रक्रियामा शिक्षा शाखा संयोजक प्रमोद यादव र नगर प्रमुख रमेश यादवले मनोमानी गर्दै आएको पचरौता नगरपालिका ७ नम्बर वडा अध्यक्ष दिलनाथ सहनिको आरोप छ ।आन्दोलनले नगरपालिका कार्यालयका अन्य काम पनि प्रभाबित बनेका थिए ।

प्रतिक्रिया

सम्बन्धित खवर

ताजा समाचार

लोकप्रिय