भारतको सिलगुढीस्थित भारतीय आयल निगमबाट छुटेका पेट्रालियम पदार्थ बोकेका ट्याङकरलाई जाँचपासको नाममा पानीट्याङ्कीमा भारतीय अधिकारीहरुले दुःख दिन थालेका छन । तेल भरेर पानीट्याङ्की भन्सार आएको घण्टौंसम्मपनि भंसार कर्मचारीले जाँचपास नगरी दुःख दिने गरेका हुन ।

भारतको सिलगुढी स्थित भारतीय आयल निगमको डिपोबाट पूर्वी नाका कांकरभिट्टा हुंदै पूर्वी नेपालमा पेट्रोलियम पदार्थ आयात हुंदै आएको छ । भारतको सिलगुढीस्थित भारतीय आयल निगमबाट आएका पेट्रालियम पदार्थ बोकेका ट्याङकरलाई जांचपांचको नाममा पानीट्याङ्की भन्सारमा भारतीय अधिकारीहरुले दुःख दिने गरेको चालकहरुले बताएका छन् । तेल भरेर पानीट्याङ्की भन्सार आएको घण्टौं सम्म पनि समयमा जांचपास नहुने समस्याले चालकहरुले समस्या भोग्नुपरेको हो ।

सिलगुढीस्थित निगम भित्रै एउटा भन्सार छ । त्यसले निगमले राखेको एजेन्टलाई कागजात दिल्ली पठाउंछ । त्यहांबाट कागजात पानीट्याङ्कीमा रहेको भारतीय भन्सारमा पठाएपछि मात्र ट्याङकर नेपालका लागि छुटने व्यवस्थाले झन्झट भएको हो । भन्सार एजेन्टले कागजात सर्भर तथा सिस्टम मा नभएको भन्दै आठ दश घन्टासम्म भन्सारमै रोक्ने गरेका छन । भारतीय अधिकारीको लापरवाहीसँगै पार्किङ्गको समस्या पनि झेल्नुपरेको चालकको गुनासो छ ।

लामो समयसम्म गाडि जांचपास नहुंदा सीमत सङ्ख्यामा भएका टयाङ्करका कारण पनि तेल वितरणमा समेत असहजता हुने गरेको छ । भारतीय भन्सार अधिकारीले भनेको समयमा जांचपास नहुंदा भएको स्टक पनि सकिने र फर्केको गाडी सोहि दिन भारत जान पनि सम्भव नहुँदा पूर्वका पेट्रो पम्पमा तेलको हाहाकार हुने गरेको मेची पट्रोलियम डिलर्श एसोसिएसनले जनाएको छ ।

भन्सारमा ढिलाईको समस्या सामधानकालागि पटक–पटक पहल गरिए पनि अहिलेसम्म निकास नआउदा पेट्रोल पम्प सञ्चालक समेत आजित भएका छन । उपभोक्ताले पनि समय समयमा तेल नै नपाउने अवस्था हुने गरेको छ । मेची अञ्चलमा दैनिक तीन लाख लिटर डिजेल र २ लाख लिटर पेट्रोल खपत हुने गरेको छ ।

प्रतिक्रिया

सम्बन्धित खवर

ताजा समाचार

लोकप्रिय