नेपालमा पछिल्लो २४ घण्टामा ३ सय ९१ जनामा कोरोना संक्रमण पुष्टि भएको छ । स्वास्थ्य तथा जनसंख्या मन्त्रालयका अनुसार ६ हजार ९ सय ६६ जनाको पीसीआर परीक्षण गर्दा ३ सय ८५ जना र १ हजार १ सय ११ जनाको एन्टीजेन परीक्षण गर्दा ६ जनाको कोरोना संक्रमण पुष्टि हो ।

यो सँगै नेपालमा कोरोना संक्रमितको संख्या ८ लाख ९८ हजार ३ सय ९९ पुगेको छ । पछिल्लो २४ घण्टामा ६ सय ८० जना संक्रमण मुक्त भएका छन भने ६ जनाको मृत्यु भएको छ । हालसम्म नेपालमा कोरोना संक्रमण मुक्त हुनेको संख्या ७ लाख ८१ हजार ५ सय ४६ पुगेको छ ।

यस्तै मृत्यु हुनेको संख्या ११ हजार २ सय ८४ पुगेको छ । देशभर १२ हजार २ सय ९७ जना सक्रिय संक्रमित रहेका छन् । जसमध्ये ११ हजार २ सय ७८ जना होम आइसोलेसनमा रहेका छन भने १ हजार १९ जना संस्थागत आइसोलेसनमा रहेका छन् । सक्रिय संक्रमित मध्ये २ सय ९९ जना आईसियुमा र ९८ जना भेन्टिलेटरमा उपचाररत रहेको मन्त्रालयले जनाएको छ ।

प्रतिक्रिया

सम्बन्धित खवर

ताजा समाचार

लोकप्रिय