अफगानिस्तानको कुन्दुजस्थित मस्जिदमा शुक्रबार शक्तिशाली बम विस्फोट गराइँदा कम्तिमा सय जनाको मृत्यु भएको छ । हजारा शिया मस्जिदमा गराइको विस्फोटमा तीन सय भन्दा धेरै घाइते भएका छन ।

अफगानिस्तानबाट अमेरिकी सैनिक फिर्ता भएयता भएको यो सबैभन्दा ठूलो आक्रमण हो । घटनाको जिम्मेवारी आतंकवादी संगठन इस्लामिक स्टेट ‘आईएसआईएस’ ले लिएको छ ।

गत अगस्ट १५ देखि अफगानिस्तानको सत्ता तालिवानको हातमा आएको छ । तालिबानले अफगानिस्तान कब्जा गरेयता आईएसको आक्रमण बढेको छ । इस्लामिक स्टेट सहितका सुन्नी मुसलमान उग्रवादीहरूले सिया समुदायलाई आक्रमणको निसाना बनाउदै आएका छन ।

इस्लामिक स्टेटको अफगानिस्तानमा रहेको भातृ संस्था आइएस–केले हिंसात्मक रूपमा नै तालिबानको विरोध गर्दै आएको छ । उसले हालैका दिनमा देशका पूर्वी क्षेत्रहरूमा कैयौँ बम हमलाहरू गरेको थियो ।

प्रतिक्रिया

सम्बन्धित खवर

ताजा समाचार

लोकप्रिय