सारजाहबाट काठमाडौं आएका यात्रुको रकम फिर्ता गर्न सरकारको निर्देशन

  •  
  •  
  •  
  •  
  •  
  •  
  •  

 

सरकारले एयर अरेबियालाई यात्रुहरुको रकम फिर्ता गर्न निर्देशन दिएको छ । संस्कृति, पर्यटन तथा नागरिक उड्डयन मन्त्रालयमा नियमित उडानहरुको भाडा दर र चार्टर उडानको गुनासोको सम्बन्धमा बसेको बैठकमा मन्त्री योगेश भट्टराईले २५ अगस्तमा १६१ यात्रु लिएर यूएईको सारजाहबाट काठमाडौं आएका १४२ जना यात्रुको रकम फिर्ता गराउन निर्देशन दिएका हुन् ।

एयर अरेबियाले १४२ जना पीसीआर गरेको, १८ जना आरडीटी गरेको र एक जना केही पनि नगरेको यात्रु ल्याएर सबैलाई होटल क्वारेन्टिनमा राखेपछि सो बापतको रकम फिर्ता गराउन मातहतका निकायलाई निर्देशन दिइएको मन्त्रालयले जनाएको छ । सवै यात्रुबाट होटल खर्च उठाएको तर पछि यात्रुले नै तिरेको गुनासो आएपछि उक्त रकम रकम फिर्ता गराउन र फिर्ता नगरे कारबाही गर्न मन्त्री भट्टराइले निर्देशन दिए ।

अन्तर्राष्ट्रिय नियमित उडानहरु महँगो भएको गुनासो आएपछि उनले नेपाल वायुसेवा निगम र हिमालय एयरलाइन्सको उडान भएको सेक्टरहरुमा वायुसेवा निगमले तय गरेको भाडादर अनुसार उडान गराउन विदेशी एयरलाईन्सहरुलाई फ्लाइट उडान अनुमति दिन नेपाल नागरिक उड्डयन प्राधिकरणलाई निर्देशन दिए ।

उनले टिकटमा ट्राभल्स एजेन्सीहरुले अनियन्त्रित रुपमा कालोबजारी गरेको गुनासो आएपछि एयरलाइन्सहरुले नियन्त्रण गर्नुपर्ने भन्दै उनले अनुगमन तथा सहजीकरणका लागि विदेशी कुटनीतिक नियोग, गैर आवासिय नेपाली संघसँग एनआएन आग्रह गर्नुपर्ने पनि बताए ।

बैठकले हवाई भाडादरमा कालोबजारी, अपारदर्शिता र अन्य गैरकानुनी मुनाफा कायम गरी भाडादर असुल उपर नगर्न नगराउन सम्बन्धित बायुसेवा कम्पनीहरुलाई सचेत गराउन, नियमित उडानमा बजेट एयरले अन्य एयरलाईन्सको भन्दा कम भाडादरमा उडान गर्नुपर्ने, चार्टर उडानको सम्न्धमा पर्यटन मन्त्रालयले यस अघि तोकेको भाडादर भन्दा बढी नहुने सुनिश्चित गरी उडान सञ्चालन गर्न अनुमति दिने निर्णय गरेको छ ।

Leave a Reply

Your email address will not be published. Required fields are marked *