सरकारको दुई वर्षे समिक्षामा कसको कस्तो प्रतीक्रिया , हेर्नुस

  •  
  •  
  •  
  •  
  •  
  •  
  •  

 

पूर्व प्रधानमन्त्री एवं नेपाली कांग्रेसका सभापति शेरबहादुर देउवाले सरकारले दुई वर्षमा दुईवटापनि राम्रो काम गर्न नसकेको प्रतिक्रिया दिनुभएको छ ।

शनिवार प्रतिनिधि सभामा प्रधानमन्त्री केपी शर्मा ओलीले सरकारका दुई वर्षका काम र प्रगतिको विषयमा जानकारी गराएपछि कांग्रेस सभापति देउवाले सरकारले दुईवटापनि राम्रो काम गर्न नसकेको बताउनुभएको हो । संसद बैठकपछि पत्रकारहरुसँग छोटो कुरा गर्दै सभापति देउवाले भन्नुभयो ‘दुई वर्षमा दुईवटा पनि महत्वपूर्ण काम गरेको देखिदैन् ।’

पूर्वप्रधानमन्त्री एवं समाजवादी पार्टी नेपालका अध्यक्ष डा. बाबुराम भट्टराईले दुई तिहाईको सरकारले अर्थतन्त्र तथा सामाजिक क्षेत्रमा गुणात्मक परिवर्तनको काम गर्ने अपेक्षा जनताको थियो तर सरकारले केहीपनि देखाउन नसकेको बताउनुभयो । उहाँले भन्नुभयो ‘विगत देखि हुँदै आएका केही कुराहरुका सकारात्मक सूचकहरु जस्तै विजुली पुरानै प्रोजेक्टहरु थिए अहिले बने र अहिले १२ सय मेगावाटसम्म बन्यो भन्ने कुरो त कहिंयौ वर्षदेखि बन्दै आएका थिए यो वर्ष पुरा भए संयोगले त्यो चाहिं आफ्नो कारणले भयो भन्नुहुन्छ र अरु पुरा हुन नसकेका नबनेका चाहिं पुरानो विरासतले भनेर धेरै पटक पुरानो विरासतले भन्नुभयो यसरी पन्छाउने कुतर्क गर्ने शोभनिय कुरा होइन् । यस अर्थमा पनि मैले सुध्र्रने संकेत देखिन् । ’ उहाँले प्रधानमन्त्री ओली कै विषयमा चिन्तित हुनुपर्ने अवस्था रहेको बताउनुभयो । सरकारका काम निराशाजनक छ भनेर आफ्नै पार्टीले भनेको अवस्थामा त्यसलाई स्विकार गरेर सच्याउने दिशामा जाने भन्दापनि अत्यन्त अहंकारपूर्ण ढंगले र प्रतिक्रियात्मक ढंगले प्रस्तुत हुनुभएको बताउनुभयो ।

राष्ट्रिय जनता पार्टी नेपालका अध्यक्ष मण्डलका सदस्य राजेन्द्र महतोले प्रधानमन्त्री ओलीले राम्रो भाषण गरेको बताउनुभयो । उहाँले भाषण अनुसार जनताले अनुभुति गर्न नपाएको बताउनुभयो । उहाँले भन्नुभयो ‘खै सुन्दाखेरी त कतिन राम्रो गरेको छ भन्ने लागेको होला, भाषण त धेरै राम्रै थियो तर त्यो अनुसार मुलुकमा जनताले अनुभुति गरेको छ कि छैन् त्यो मुख्य सवाल हो मलाई लाग्दैन उहाँले भनेजस्तै जनताले त्यही अनुसार प्राप्त गरेको छ अनुभुति गरेको छ सम्झेको छ त्यो अनुसार चाहिं पटक्कै होइन् । उहाँले सबै कुरा राम्रो देख्नुभएको छ तर मुलुकमा सबैकुरा राम्रो भएको छैन् ।’ उहाँले सरकारको यो प्रवृतिले संविधानको औचित्य कुन दिन समाप्त हुने हो भन्ने ठेगान नभएको समेत बताउनुभयो ।

नेपाल कम्युनिष्ट पार्टी (नेकपा)का नेता सुवास नेम्वाङले सरकारको पाँच वर्ष मध्ये दुई वर्षमा आधार तयार भएको बताउनुभयो । उहाँले भन्नुभयो ‘जनतामा अपेक्षा छ आशा छ बढी र यो विगतमा जे जे भयो र जे प्रकारका अप्ठ्याराहरु हामीले सामना गरेर यहाँ सम्म आइपुग्यौं त्यो हेर्दा जनतामा अपेक्षा र आशा बढी हुनुलाई अन्यथा मान्नुपनि हुँदैन अहिले अव हामीले एउटा आधार तयार गरेका छौं र बाँकी रहेको यो तीन वर्षमा हामीले जनता समक्ष गरेका प्रतिवद्धताहरुलाई पुरा गर्ने हामीले ठोस आधार तयार गरेका छौं ।’

नेपाली कांग्रेसका नेता प्रकाशमान सिंहले दुइवर्षको अवधिमा केही काम गर्न नसकेपनि सरकारले बोल्ने कुरा गर्नुभएको बताउनुयभो । उहाँले विकास बजेट खर्च गर्न नसकेको स्विाकर प्रधानमन्त्री स्वयंले गरिसक्नुभएको र जनतालाई चित्त बुझ्दो काम गर्न नसकेको प्रष्ट भइसकेको बताउनुभयो । उहाँले भन्नुभयो ‘उहाँले आफ्नो दुई वर्षको कार्याकालको फेहरिस्त प्रस्तुत गर्नलाई प्रयास गर्नुभयो त्यहाँ उल्लेखनिय कामहरु केही भएको छैन् । काम नै केही भएकोछैन भने त्यसको कत्तिको दम रहन्छ । दमदार रहेको प्रस्तुति यसपटक उहाँले गर्न सक्नुभएको छैन् । ल एण्ड अर्डर देखि लिएर शान्ति सुरक्षामा जुन चाहिं नारा त उहाँले दिनुहुन्छ म भ्रस्टाचार गर्दिन र गर्न पनि दिन्न भन्ने कुरामा भ्रस्टाचारहरुको काण्डहरु कतिको भइरहेको छ के भइरहेको छ भन्नेकुरा आम जनताले हरेक दिन हरेक पल प्रश्न उहाँमाथि राख्दैछन् । त्यही कारणले गर्दाखेरी उहाँ पत्रकारहरुसँग पनि इरिटेड हुने कारण हो यी सबै आम जनताले उठाएका प्रश्न जिज्ञासाहरु पत्रकारहरुले प्रश्तुत गर्दाखेरी उहाँलाई त्यसमा इरिटेसन भएको जस्तो कुरा आजको प्रस्तुतिबाट प्रस्ट भएको छ ।’

नेपाली कांग्रेसका नेता ज्ञानेन्द्र बहादुर कार्कीले प्रधानमन्त्री ओलीले गरेको व्याख्या व्यवहारमा नमिल्ने बताउनुभयो । उहाँले महँगी बढेको र असुविधा बढ्रदै गएका कारण नेपाली जनता निराश भएको बताउनुभयो । उहाँले भन्नुभयो ‘खास गरेर २ वर्षको सरकारको उपलब्धिको बारेमा जति प्रधानमन्त्रीले ब्याख्या गर्नुभयो त्यो ब्यवहार सँग नमिल्दो छ अहिले नेपाली जनतामा निराशा छाएको छ नेपाली जनता महंगीबाट आक्रान्त छन् । अशुविधाबाट आक्रान्त छन् । र जुन सपना बाँडिएको थियो र जुन सपनाको बारेमा अहिले ब्याख्या गरिएको छ त्यो केवल ब्याख्या छ यो वास्तविकतासँग यसको कुनै मेल छैन् ।’

नेपाली कांग्रेसका अर्का नेता दिलेन्द्रप्रसाद बडुले संघीय संरचनापछि पहिलो र सबैभन्दा बलियो सरकार बनेको अवस्थामा पनि बजेट खर्च गर्न नसक्नुले सरकारले काम गर्न नसकेको स्पस्ट हुने बताउनुभयो । उहाँले बजेट खर्च गर्नु नसक्दा सम्म संघीयता माथि र संविधानमाथि संकट पर्न सक्ने खतरा रहिरहने बताउनुभयो । उहाँले भन्नुभयो ‘उसले आफैले स्विकार गरिराखेको छ सबै ठाउँमा १५ प्रतिशत भन्दा बढी खर्च गर्न सकिराखेको छैन् । यो ५० प्रतिशत त गयो त सरकारको समय यो आर्थिक वर्षको समय तर खर्च भइराखेको छैन् । अझ उहि कुरा हुन सक्दछ असार मसान्त सम्म जम्मे खर्च एकैचोटी गर्न खोजिरहेको हो की । त्यसकारणले यो अनुशासनमा जुन आउनु पथ्र्यो ठिक पद्धतिमा जसरी जानुपथ्र्यो त्यो त्यहाँ जान सकिरहेको छैन अस्तव्यस्ततामा छ र सरकारले उल्लेखनिय ढंगले देखाउन सक्ने काम गरिरहेको छैन् । जहाँ सम्म भ्रस्टाचार निवारणको कुरा छ भ्रष्टाचार निवारणको ऐन अनुसार सबैमाथि समान रुपले यदि भ्रस्टाचारमा कारबाही हुन्छ भने हामी स्वागत गर्छौं तर भयो के भने आफ्नो र पराई हेरेर गर्न थाल्यो भने कानूनी राज्यपनि समाप्त भयो कानूनी राज्य समाप्त भयो भने संविधानमाथि संकट आइलाग्छ त्यसकारण व्यक्तिको शासन होइन विधिको शासन हुनुपथ्र्यो विधिको सासनको अपब्याख्या भइरहेको छ र त्यसमाथि आक्रमण भइरहेको छ यो सन्तोशजनक काम हुन सकिरहेको छैन् ।’

त्यस्तै नेपाली कांग्रेसका नेता राजेन्द्र केसीले प्रधानमन्त्री ओलीले दुई वर्षमा केही काम गर्न नसकेपनि आफ्नो कर्मकाण्ड पुरा गरेको बताउनुभयो उहाँले भन्नुभयो ‘प्रधानमन्त्री जी ले एक किसिमको दुई वर्षको आफ्नो कार्यकाल समाप्त भयो भन्ने सम्बन्धमा लामो फेहरिस्त विकास निर्माणको दिनुभयो । त्यसमा इन्डेक्सका कुरा गर्नुभयो इम्प्रेसनका कुरा गर्नुभयो आम जनताचाहिं इम्प्रेसनमा छैनन् । इन्डेक्स कहाँ के के छ हामीलाई थाहा छैन् । र हामी प्रश्नकर्ताले पनि कुनै किसिमको चाहिं जनता इम्प्रेसिभ दुई वर्षको कार्यकालमा भएका छैनन् भन्ने जिज्ञासा राख्यौं उहाँले आफ्नो एउटा दुई वर्ष कार्यकाल समाप्त भएको उपलक्षमा एउटा कर्मकाण्ड पुरा गर्नुभयो ।’

समाजवादी पार्टी नेपालका नेता राजेन्द्र श्रेष्ठले अस्थिर राजनीति भएको देशमा दुई वर्ष सरकार चल्नु नै उपब्धि भएको जस्तो गरी प्रस्तुत भएको बताउनुभयो । उहाँले संविधान जारी भएपछि बनेको बलियो सरकारले काम गरेर देखाउने सुविधा र अवसर हुँदा हुँदै पनि केही गर्न नसकेको बताउनुभयो ।

सञ्चार तथा सूचना प्रविधि मन्त्री गोकुलप्रसाद बाँस्कोटाले सरकारको प्रगति सुनेर कांग्रेस लगायतका प्रतिपक्षी दलहरु छक्क परेको प्रतिक्रिया दिनुभयो । उहाँले भन्नुभयो ‘कांग्रेसबाट विरोध आएन कांग्रेस चुप्प लागेर सुन्यो र प्रगति सुनेर कांग्रेस आफै छक्क प¥यो किन भने तथ्याङ्क यही हो र जनताको बिचमा पनि यो पुग्छ । हामीले जे काम गरेका छौं त्यो प्रधानमन्त्री ज्यूले राम्रोसित राख्नुभायो र त्यसप्रति कांग्रेसको तर्फबाट प्रश्न आयो विरोध आएन प्रधानमन्त्री ज्यूले त्यसको पनि जवाफ दिनुभयो र ती तथ्याङक मै आधारीत थिए ।’

अर्थमन्त्री डा. युवराज खतिवडाले केही ठूला संरचना निर्माणमा स्वभाविकैले समय लाग्ने भएपनि तत्काल गर्न सकिने कामहरु सम्पन्न भएका र सरकारले दुई वर्षमा सामाजिक सुरक्षा लागयतका धेरै राम्रा कामको सुरुवात गरेको बताउनुभयो । उहाँले बैंकिङ क्षेत्रको सुधार, रोजगारका कार्यक्रमहरु, सामाजिक सुरक्षा लगायतका क्षेत्रमा उल्लेख्य प्रगति भएको बताउनुभयो ।

नेपाल कम्युनिष्ट पार्टी (नेकपा)का नेता नवराज सिलवालले सरकारले दुईवर्षमा उत्साहजनक काम गरेको बताउनुभयो । उहाँले आकांक्षहरु, सपनाहरु, चाहनाहरु धेरै भएको यथार्थ एकातिर भएपनि सरकार अगाडि बढेको दिशाले प्रसस्त आशाहरु र सम्भावनाहरु देखाएको बताउनुभयो ।

संघीय संरचनापछि सरकार गठन भएको दुई वर्ष पुरा भएको अवसरमा प्रधानमन्त्री केपी शर्मा ओलीले शनिवार सरकारले गरेका कामहरुको फेहरिस्त प्रतितिधि सभामा प्रस्तुत गर्नुभएको थियो । उहाँले भ्रस्टाचार न्यूनिकरणमा जोड दिएको र विकासको आधार तयार भइसकेको बताउनुएको थियो । त्यस्तै मुलुकका अधिकांश आर्थिक तथा सामाजिक सूचकहरुमा उल्लेख्य सुधार भएको भन्दै सरकार सफलताको पथमा रहेको बताउनुभएको थियो ।

(Visited 1 times, 2 visits today)

Leave a Reply

Your email address will not be published. Required fields are marked *