शनिबार पनि भारी वर्षाको सम्भावना, सावधानी अपनाऔं

  •  
  •  
  •  
  •  
  •  
  •  
  •  

 

शनिबार पनि सातवटै प्रदेशका केही स्थानमा भारी वर्षाको सम्भावना भएकाले सतर्क रहन सरकारले आग्रह गरेको छ।वर्षाका कारण नदीहरुमा पानीको बहाव बढ्ने, पहाडी क्षेत्रमा भूक्षय हुने, पहिरो जाने तथा ढल र पानीको राम्रो निकास नभएको ठाउँमा डुबान समेत हुन सक्ने भएको भन्दै जल तथा मौसम विधान विभागले आवश्यक सतर्कता अपनाउन आग्रह गरेको हो।

विभागले वर्षाका कारण सडक तथा हवाई सेवा पनि प्रभावित हुनसक्ने जनाएको छ। आज देशभर सामान्यदेखि पूर्ण बदली रही सातै प्रदेशका धेरैजसो स्थानमा मेघ गर्जन र चट्याङसहित हल्कादेखि मध्यम वर्षाको सम्भावना रहेको विभागको भनाइ छ।

प्रदेश १, प्रदेश २, बागमती प्रदेश र गण्डकी प्रदेशका केही स्थानमा र प्रदेश ५, सुदूरपश्चिम प्रदेश र कर्णाली प्रदेशका केही स्थानमा भारी वर्षाको सम्भावना रहेको विभागले जनाएको छ। शनिबार काठमाडौंमा बिहानैबाट मौसममा बदली भएको छ भने उपत्यकाका अधिकांश स्थानमा हल्का वर्षा भइरहेको छ।

  •  
  •  
  •  
  •  
  •  
  •  
  •  

You May Also Like

Leave a Reply

Your email address will not be published. Required fields are marked *