भएको जहाज थन्काएर नयाँ जहाज खरिद गर्न निगमलाई मन्त्री भट्टराईको निर्देशन

  •  
  •  
  •  
  •  
  •  
  •  
  •  

नेपाल वायुसेवा निगम एनएसी लाई नयाँ जहाज खरिद गर्ने प्रक्रियाअघि बढाउन संस्कृति, पर्यटन तथा नागरिक उड्यनमन्त्री योगेश भट्टराईले निर्देशन दिएका छन् । बुधबार मन्त्रालयमा निगमका पदाधिकारीहरुसँग छलफल गर्दै मन्त्री भट्टराईले यस्तो निर्देशन दिएका हुन् । हिमाली, पहाडी तथा दुर्गम क्षेत्रका नागरिकहरुलाई सेवा उपलब्ध गराउने आन्तरिक उडान तर्फ जहाज कम भएको भन्दै थप जहाज खरिद गर्ने गरी योजना तत्काल अघि बढाउन निगमलाई मन्त्री भट्टराईले निर्देशन दिए ।

योसँगै नेपाल एयरलाइन्सलाई अब चिनियाँ जहाज थन्काएर नयाँ जहाज किन्ने बाटो समेत खुलेको छ । त्यसो त हाल आन्तरिक उडान तर्फ निगमसँग चार वटा मात्र जहाज रहेकोमा त्यसमा पनि चिनियाँ जहाज बाहेकका दुई वटा टुइनअर्टर जहाज मात्र संचालनमा छन् ।

विग्रिएर ग्राउण्डेड भएका चिनियाँ जहाज यसअघिनै अब नउडाउने निर्णय भइसकेको छ । हाल संचालनमा रहेका दुई वटा टुइनअर्टर जहाजसमेत चार दशक पुराना भएका कारण धेरैजसो समय ग्राउन्डेड हुने गरेकाले यी जहाजले मात्र आन्तरिक उडानको माग धान्न नसक्ने मन्त्रालयको भनाइ छ ।

यसैकारण दुर्गभ भेगका जनता हवाई सेवाबाट वञ्चित हुनु परेको भन्दै मन्त्री भट्टराईले नयाँ जहाज खरीदको प्रक्रिया थाल्न निर्देशन दिएका हुन् । साथै मन्त्री भट्टराईले अब निगमलाई पब्लिक मोडलमा लैजानसमेत सोच्न निगमलाई निर्देशन दिए ।

नेपाल वायुसेवा निगमका कार्यकारी अध्यक्ष सुशील घिमिरेको उपस्थिति रहेको बैठकमा मन्त्री भट्टराईले अब निगमले पब्लिक मोडलमा जाने बारे सोच्नु पर्ने बताए । यसका लागि नागरिक लगानी कोष, कर्मचारी सञ्चय कोष, पर्यटन मन्त्रालय र अर्थ मन्त्रालयसँग समेत आवश्यक छलफल गरी खाका बनाउन मन्त्री भट्टराईले निगमलाई निर्देशन दिए ।

नेपाल एयरलाइन्स ऐतिहासिक नेपाली ध्वजाबाहक एयरलाइन्स भएकोले यसको साख जोगाउने गरी काम गर्नु पर्ने मन्त्री भट्टराईको भनाइ थियो ।यसका लागि आवश्यक योजना बनाई अघि बढ्न र कर्मचारी व्यवस्थापन तथा खर्च कटौतीमा समेत सोच्न निगमलाई मन्त्री भाट्टराईको आग्रह थियो ।

बैठकमा नेपाल वायुसेवा निगमका कार्यकारी अध्यक्ष, विभिन्न विभागका प्रमुख लगायत मन्त्रालयका उच्च पदस्त व्यक्तित्वहरु सहभागी रहेका थिए ।

You May Also Like

Leave a Reply

Your email address will not be published. Required fields are marked *