बझाङ पहिरो अपडेट :पहिरोमा बेपत्ता ६ जनाको शव भेटियो

  •  
  •  
  •  
  •  
  •  
  •  
  •  

 

बझाङमा गएको पहिरोमा बेपत्ता भएका ६ जनाको शव फेला परेको छ । बझाङको केदारस्युँ गाउँपालिका–८ को मल्लेसिमा गएको पहिरोमा पुरिएकाको थप ६ जनाको शव भेटिएको र थप एकजना बेपत्ता रहेको प्रहरीले जानकारी दिएको छ।

वडाध्यक्ष गणेशबहादुर बोहोराका अनुसार एकै घरका ४३ वर्षीया रामतीदेवी जेठारा, १६ वर्षीया शान्तिकुमारी जेठारा, १३ वर्षीय बालक प्रयाग जेठारा र ७ बालिका अष्मिता जेठाराको शव भेटिएको छ। त्यस्तै, १५ वर्षीया बालिका सन्तु जेठारा र ८१ वर्षीय दले जेठाराको पनि शव भेटिएको हो। २० वर्षीय गिरी जेठारा भने अझै बेपत्ता भएको वडाध्यक्ष बोहोराले जानकारी दिए। शुक्रबार राति वर्षासँगै गाउँ माथिबाट आएको पहिरोले केदारस्युँ गाउँपालिका–८ को मल्लेसीका २० घर बगाएको उनले बताए।

राति पहिरो आएको थाहा पाएपछि घरभित्र रहेका अन्यले भागेर ज्यान जोगाए पनि ७ जना भने पहिरोमा पुरिएका थिए। स्थानीयका २२ वटा भैँसी, ६५ वटा बाख्रा र २४ वटा गाइगोरु पनि पहिरोले बगाएको छ। ६५ घर परिवार बस्दै आएको बस्तीको बीच भागबाट पहिरो गएपछि गाउँ नै जोखिममा परेको छ। स्थानीयले भोगचलन र अन्न उब्जाउ गर्दै आएको करिब आधा जमिन पहिरोले बगाएको स्थानीयले बताएका छन्।

पहिरोले घरबारविहीन भएका व्यक्तिहरूले हिजो राति स्थानीय विद्यालयमा ओत लागे पनि आजबाट कहाँ बस्ने भन्ने स्थानीयलाई चिन्ताले सताएको छ। मध्य रातीको समयमा पहिरो खस्दा मस्त निद्रामा सुतिरहेका मल्लेसी बासीको मध्यरातामा विचल्ली परेपछि भागदौड गर्दा गर्दै ७ जना बेपत्ता भएको थिए।

You May Also Like

Leave a Reply

Your email address will not be published. Required fields are marked *