पोखरीमा डुबेर २९ बाँदर मरे

  •  
  •  
  •  
  •  
  •  
  •  
  •  

 

शनिबार ओखलढुंगास्थित एक पोखरीमा डुबेर थप ७ वटा बाँदर मरेपछि त्यहाँ बाँदर मर्नेको संख्या २९ पुगेको छ । जिल्लाको सिद्धिचरण नगरपालिका–५ सानीटारमा शनिबार थप ७ वटा बाँदर मरेको स्थानीयले बताएका हुन् ।यसअघि शुक्रबार सिंचाइका लागि निर्माण गरिएको पोखरीमा डुबेर २२ वटा बाँदर मरेकाथिए । शुक्रबार डुबेकामध्ये १२ वटालाई भने स्थानीयले जिवितै उद्धार गरेको भएपनि शनिबार थप सातवटा मरेको स्थानीयले बताए ।

योसँगै दुई दिनको अवधिमा २९ वटा बाँदर मरेका छन् । स्थानीय देवकुमार दाहालका अनुसार बाँदर दैनिक पानीमा डुबेर मर्न थालेपछि पोखरीको पानी खोलेर खाली गरिएको छ ।

सिँचाइका लागि निर्माण गरिएको ६ फिट गहिरो सिमेन्टको पोखरीमा अन्य समयमा पनि बाँदरले पानी खाने गरेका थिए । पनी पिउने क्रममा बाँदरका बच्चा पोखरीमा खसेको र उद्धारका लागी अरु बाँदरसमेत पसेकाले निस्कन नसकेर मरेको हुनसक्ने वन डिभिजन कार्यालयका प्रमुख भरतबाबु श्रेष्ठको अनुमान छ ।

बाँदरको सामुहिक मृत्यु भएपछि वडाका जनप्रतिनिधि, वन डिभिजन कार्यालयका कर्मचारी र स्थानीयको रोहबरमा मुचुल्का उठाएर सद्गगत समेत गरिएको छ । शनिबार बाँदर मरेपछि वन डिभिजन कार्यालयका अधिकृतसहितको टोली घटनास्थलमा पुगेको छ ।

नियमित पानी खान आउने बाँदर पोखरीमा पसेपछि निस्कन नसकेको हुनसक्ने भन्दै पोखरीमा काठको भ¥याङ समेत राखिदिइएको छ । पोखरीमा पानी खान आउन बाँदरलाई सहजताका लागी भर्याङ निर्माण गरिदिएको डिभिज प्रमुख श्रेष्ठको भनाई छ ।

यस्तो घटना यसअघि अन्य जिल्लामा सुने पनि यसबारे बृहत अध्ययन नभएकाले कारण कारण खुल्न सकेको छैन । तर केही स्थानीयले भने बाँदरले बाह्रै महिना दुःख दिने स्थान भएकाले कसैले पानी खाने ठाउँ पहिचान गरेर विष हालेको हुन सक्ने आशंका गरेका छन् ।

You May Also Like

Leave a Reply

Your email address will not be published. Required fields are marked *