पहिरोले सिप्रिङ खोला जलबिद्युत आयोजनामा क्षेति, एक जनाको मृत्यु

  •  
  •  
  •  
  •  
  •  
  •  
  •  

 

दोलखामा गौरीशंकर गाउँपालिकामा पहिरोमा परी एक जना वेपत्ता भएका छन् भने एक जना घाईते भएका छन् ।गयराति परेको भीषण बर्षा पछि गौरीशंकर गाउँपालिका वडा नम्बर ८ खारे स्थित टुनिटारमा बस्ति माथिवाट पहिरो खस्दा एक पुरुष वेपत्ता भएका हुन ।

पहिरोमा पुरिएर बेपत्ता हुनेमा कालिञ्चोक गाउँपालिका वडा नम्बर ८ सुनखानीको करिब २८ वर्षीय सुरेश शिवाकोटी रहेको स्थानीयले बताएका छन् । पहिरोमा परि मृतक शिवाकोटी सिंगटीबाट टुनिटारको एक घरमा फलामे सटर राख्नका लागि गएको र काम नसकिएपछि सोही स्थानमा बसिरहेको अवस्थामा पहिरोले पुरेर मृत्यु भएको स्थानीय बद्रि खड्काले जानकारी दिए । दोलखाका प्रमुख जिल्ला अधिकारी भिमकान्त शर्माले पहिरोमा पुरिएर एक जना बेपत्ता भएको र तिन जनालाई जिवितै उद्धार गरिएको प्रारम्भिक जानकारी आएको बताए ।

पहिरोमा परी एक स्थानीय पुरुष पनि घाईते भएका छन् । उनको एउटा हात भाँचिएको दोलखा प्रहरीले जनाएको छ । पहिरोका कारण पशुचौपायमा पनि ठुलो क्षति पुगेको छ । जिल्ला प्रहरी कार्यालय दोलखाले घटनास्थलमा प्रहरी खटिएको र थप विवरण आउन बाँकी रहेको जनाएको छ ।

गौरीशंकर गाउँपालिका वडा नम्बर ६ मा पनि गएराति आएको पहिरोमा परी ६ वटा घरपरिवार विस्थापित भएको प्रहरीले जनाएको छ । गय राति दोलखाको गौरीशंकर गाउँपालिकाको उत्तरी क्षेत्रमा भिषण बर्षा भएको थियो । गौरीशंकर, लामावगर र खारेको माथिल्लो क्षेत्रमा परेको भिषणा बर्षासँगै नदी तटीय क्षेत्रमा बाढी आएको थियो । सिप्रिङ खोलामा आएको बाढीले १० मेगावाट क्षमताको सिप्रिङ खोला जलबिद्युत आयोजनामा क्षेति पुगेको छ । आयोजनाको हेडवक्र्समा बाढीले क्षेति पुरयाए पछि बिद्युत उत्पादन बन्द भएको छ । बाढीले सुरीको गुरुम्फि बजारमा पनि केहि घरमा क्षेति पुरयाएको छ ।

तामाकोशी नदीमा पानीको बहाव बढेपछि नदी तटीय क्षेत्रका बासिन्दाहरु रातभर जाग्राम बस्न बाध्य भएका छन् । नदीमा पानीको सतह बढेर गोंगर, जगत र सिंगटीमा राखिएको मापन केन्द्रमा साईरन बजेपछि नदी तटीय क्षेत्रका बासिन्दा मध्यरातमै सुरक्षित स्थानतर्फ सर्न बाध्य भएका हुन् । नदीको बहाव बढेपछि स्थानीय २९ घरपरिपवारलाई सुरक्षीत स्थानमा लगिएको भएपनि हाल खतराको तह पार गरिसकेका कारण स्थानीय आफ्नै घरमा फर्किसकेको दोलखा प्रहरीले जनाएको छ ।
यस्तै विगु गाउँपालिकामा बाढी र पहिरोले ५ जनाको घर र टहरामा क्षति पु¥याएको छ । गएरातिको वर्षापछि आएको बाढी र पहिरोले विगु गाउँपालिका वडा नम्बर ४ स्थित तामाकोशी नदी किनारमा रहेको स्थानीयको ५ घरमा क्षति पु¥याएपछि जिल्ला प्रहरी कार्यालयबाट गएको प्रहरीको टोलीले मानिस र पशुचौपायलाई सुरक्षित स्थानमा स्तान्तरण गरेको छ ।

हिजो साँझदेखि दोलखाको उत्तरी क्षेत्र गौरीशंकर, खारे लगायतका स्थानमा भारी वर्षापछि तामाकोशीमा पानीको सतह ह्वात्तै बढेपछि स्थानीय त्रासित बन्न पुगेका हुन् । अत्याधिक वर्षपछि सो क्षेत्रको सिप्रिङ खोला, सिंगटी खोला लगायतका सहायक खोलाहरुको समेत बहाव बढेको थियो

You May Also Like

Leave a Reply

Your email address will not be published. Required fields are marked *