नेपालमा पहिलोपटक कोरोना संक्रमित वरिष्ठ चिकित्सकको मृत्यु

  •  
  •  
  •  
  •  
  •  
  •  
  •  

 

बाँकेमा विहिबार कोरोना भाइरसबाट एक वरिष्ठ चिकित्सकको मृत्यु भएको छ। प्रदेश अस्पताल सुर्खेतमा कार्यरत वरिष्ठ चिकित्सक डा हरिप्रसाद सापकोटाको उपचारका क्रममा विहिबार बाँकेमा मृत्यु भएको हो।

५९ वर्षीय सापकोटालाई तीन हप्ताअघि भेरी अस्पताल नेपालगञ्ज लगिएको थियो। आईसीयूमा उपचाररत उनको केही बेर अघि मात्रै मृत्यु भएको बाँकेका प्रमुख जिल्ला अधिकारी रामबहादुर कुरुम्वाङले पुष्टि गरे ।

योसहित बाँकेमा कोरोना संक्रमणबाट मृत्यु हुनेको संख्या १८ पुगेको छ। जसमध्ये दश जना बाँकेका र अन्य आठ जना विभिन्न जिल्लाका छन्। आज विहानमात्रै बाँकेका दुई जना कोरोना संक्रमितको मृत्यु भएको थियो ।

बिहान मृत्यु हुनेमा सुर्खेतको भेरीगंगा नगरपालिका वडा नं ८ ७५ वर्षिया महिला र नेपालगञ्ज उपमहानगरपालिका वडा नं ४ बाँकेका ५२ वर्षे पुरुष हुन् ।

दुबै जनाको उपचारका क्रममा नेपालगञ्ज मेडिकल कलेज कोहलपुर शिक्षण अस्पतालमा मृत्यु भएको बाँकेका कोरोनाका फोकल पर्सन नरेश श्रेष्ठले जानकारी दिए। दुवै जना दीर्घ रोगी हुन्।

(Visited 1 times, 1 visits today)

Leave a Reply

Your email address will not be published. Required fields are marked *