धनुषामा हत्या गरिएका महतोलाई सहिद घोषणा गर्न कांग्रेसको माग

  •  
  •  
  •  
  •  
  •  
  •  
  •  

धनुषा । धनुषा मिथिला नगरपालिका श्रीपुरका स्थानीय युवा दिलिप महतोलाई मरणासन्न हुनेगरि कुटपिटपछि भएको हत्याप्रति कांग्रेसले घोर भत्र्सना गरेको छ । महतोको परिवारलाई समवेदना दिन शुक्रबार धनुषा पुगेका नेपाली कांग्रेसका केन्द्रीय सदस्य नविन्द्रराज जोशीले महतोलाई पर्यावरण सहिद घोषणा गर्न काङ्ग्रेसले पहल थाल्ने बताएका छन् ।

पूर्वमन्त्री समेत रहेका जोशीले नदीजन्य पदार्थको अवैध उत्खननविरुद्धका अभियन्ता महतोलाई वातावरण अभियन्ता तथा पर्यावरण सहिद घोषणा र हत्यारालाई हदैसम्म कारबाहीका लागि काङ्ग्रेसले पहल गर्नेमा ढुक्क रहन परिवारलाई आश्वास्त पारेका छन् ।

जोशीले दिलिपको उच्च प्रशंसा गर्दै सबैले दिलिपको आँत्माको शान्तिका निम्ति चुरे संरक्षणमा लाग्न सुझाएका छन् । औरही खोलाबाट अवैध गिट्टी बालुवा उत्खनन गर्ने माफियाहरुले रडले घोचेर घाइते बनाई खोलामा लडाएपछि टिपरले किचेर हत्या गरेका थिए ।
उनी २ वर्षदेखि वातावरण संरक्षण अभियान सञ्चालन गरेर नदीहरुबाट हुने अवैध उत्खननलाई निरुत्साहित गर्ने अभियान सञ्चालन गर्दै आएका थिए । प्रहरीले महतोको हत्या आरोपमा अनुसन्धान लागि ४ जनालाई पक्राउ गरेको छ ।

(Visited 1 times, 1 visits today)

Leave a Reply

Your email address will not be published. Required fields are marked *