त्रिविको वार्षिक परीक्षा दशैं पछाडि मात्रै

  •  
  •  
  •  
  •  
  •  
  •  
  •  

 

त्रिभुवन विश्वविद्यालय त्रिवि को वार्षिक परीक्षा दशैं पछाडि मात्र हुने भएको छ। कोभिड–१९ को संक्रमण बढ्न थालेपछि तत्काल वार्षिक परीक्षा सम्भव नभएपछि दशैं पछाडि नै परीक्षा गर्ने तयारी गरिएको परीक्षा नियन्त्रण कार्यालय पनिका का परीक्षा नियन्त्रक पुष्पराज जोशीले जानकारी दिएकाछन् ।

पनिकाले वार्षिक परीक्षा आफैँले सञ्चालन गर्ने र सेमेष्टर परीक्षाको जिम्मा भने सम्बन्धित डिन कार्यालयलाई दिएको छ। यसअघि बन्दाबन्दी खुलेसँगै सवारी साधन सञ्चालन भएपछि पनिकाले १६ भदौबाट सेमेष्टर र असोजको पहिलो हप्ताबाट वार्षिक परीक्षा गर्ने तयारी रहेको थियो। “अहिलेको स्थितिमा दशैं अगाडि कुनै पनि परीक्षा गर्न सहज छैन। अब वार्षिक अन्तर्गतका सबै परीक्षा दशैँपछि नै हुन्छन्”, उनले भने।

पनिकाले २० मंसीरदेखि परीक्षा सञ्चालन गरेर चैतसम्म सबै सकाउने तयारी गरेको छ। नियन्त्रक जोशीले चैतसम्म सबै बाँकी रहेका परीक्षा सकाएपछि शैक्षिक क्यालेन्डरमा कुनै असर नपर्ने जानकारी दिए। चार वर्षे शैक्षिक कार्यक्रमलाई ४८ महीनामा सकाउने लक्ष्य पनिकाको रहेको छ। अहिले ती चार वर्षे शैक्षिक कार्यक्रम ४५ देखि ४६ महीनामा सकिने गरेका छन्।

परीक्षा नियन्त्रक जोशीले सेमेष्टर प्रणाली परीक्षाको खाका सहितको प्रतिवेदन सम्बन्धित डिन कार्यालयले बुझाएपछि कसरी परीक्षा गर्ने भन्नेबारे छलफल हुने बताए।

“सेमेष्टर परीक्षाका बारेमा भर्चुअल माध्यमबाट परीक्षा लिने भन्ने कुरा पनि चलेको छ”, उनले भने, “तर कति सम्भव हुन्छ डिन कार्यालयले बुझाएको प्रतिवेदन बुझाएपछि गर्ने वा नगर्ने भन्ने हुन्छ।”

You May Also Like

Leave a Reply

Your email address will not be published. Required fields are marked *