टी-२० सिरिज : ओमानसंग नेपाल ६ विकेटले पराजित , ओमान शीर्ष स्थानमा

  •  
  •  
  •  
  •  
  •  
  •  
  •  

पाँच देश सम्मिलित टी-२० क्रिकेट शृंखलामा नेपाल ओमानसँग ६ विकेटले पराजित भएको छ ।

नेपालले दिएको ६५ रनको सामान्य लक्ष्य घरेलु टोली ओमानले ११ ओभर ५ बलमा मात्र ४ विकेट गुमाएर भेट्टायो । नेपालका करन केसीले दुई तथा सोमपाल कामी र सन्दिप लामिछानले एक/एक विकेट लिए पनि नेपालको हार टार्न सकेनन् ।

यसअघि टस हारेर पहिले ब्याटिङको निम्तो पाएको नेपालले ११ ओभरमा अलआउट हुँदै जम्मा ६४ रन मात्र बनाउन सक्यो । नेपालका लागि आरिफ शेखले सबैभन्दा धेरै २० रन बनाए । यस्तै दिपेन्द्रसिंह ऐरीले ११, सोमपाल कामी र करण केसीले ८/८, कप्तान पारस खड्काले ५, विनोद भण्डारीले ४, तथा इशान पाण्डे, अविनाश बोहरा र सन्दिप लामिछानले २/२ रन बनाए । सन्दिप जोराले खाता नै खोल्न सकेनन् ।

शृंखलामा नेपालले ४ खेलमध्ये २ खेल मात्रै जित्यो । तालिकामा नेपालले ४ अंकसहित तेस्रो स्थानमा रहेर प्रतियोगिता टुंग्याएको छ । सबै खेल जितेको ओमान तालिकाको शीर्ष स्थानमा छ । बिहीबारै भएको खेलमा आयरल्याण्डले हङकङलाई हराएर ६ अंकसहित दोस्रो स्थानमा रहेको छ ।

(Visited 1 times, 1 visits today)

Leave a Reply

Your email address will not be published. Required fields are marked *