चितवनमा स्टाफ नर्ससहित थप २६ जनामा कोरोना संक्रमण

  •  
  •  
  •  
  •  
  •  
  •  
  •  

पछिल्लो समय चितवनमा कोरोना संक्रमण तिब्ररुपमा फैलीएको र त्यसको सिकार चिकित्सक देखि नर्सहरु हुनेगरेको देखिएको छ । हाल चितवनमा स्वास्थ्यकर्मीसमेतगरी थप २६ जनामा कोरोना संक्रमण पुष्टि भएको छ।

बिहीबार राति गरिएको परीक्षणका क्रममा ११ जना महिला र १५ जना पुरुषमा संक्रमण पुष्टि भएको हो।भरतपुरस्थित कोभिड १९ परीक्षण प्रयोगशालामा गरिएको परीक्षणमा कोरोना पोजेटिभ देखिएकाहरूमध्ये चितवनका २२ जना छन्।

उनीहरूमध्ये भरतपुर महानगरपालिकाका मात्र १९ जना छन्। ती १९ जना भरतपुर अस्पताल र बीपी कोइराला मेमोरियल क्यान्सर अस्पताल भरतपुरबाट स्वाब दिएका स्वास्थ्यकर्मी तथा बिरामीहरू हुन्।

यसरी संक्रमित हुनेहरुमा ९ वर्ष देखि ६७ वर्ष सम्मका रहेका छन्। क्यान्सर अस्पतालमा स्वास्थ्यकर्मीहरूमा संक्रमण देखिएपछि कन्ट्याक्ट ट्रेसिङका क्रममा बिहीबार २ जना स्टाफ नर्ससहित १० जनामा संक्रमंण देखिएको छ।

भरतपुर अस्पतालबाट स्वाब दिएकाहरू लक्षणसहित परीक्षणका लागि आएकाहरू रहेको अस्पतालका सूचना अधिकारी लिलाधर पौडेलले जानकारी दिएकाहुन।राप्ती नगरपालिकाको वडा नम्बर २ र ८ मा क्वारेन्टिनमा बस्दै आएका तीन जनामा पनि कोरोना संक्रमण देखिएको प्रयोगशालाकी प्रमुख डा नितु अधिकारीले बताइन्।त्यतै नवलपुर, पर्वत, पर्सा र मकवानपुरका एक÷एक जनामा पनि कोरोना पोजेटिभ देखिएको छ।

नवलपुरका ४० वर्षीय पुरुषको स्वाब नवलपुरकै मध्यविन्दु अस्पतालबाट लिइएको हो। अन्यको क्यान्सर अस्पताल भरतपुरबाट लिइएको हो। बिहीबार राती ३०६ वटा स्वाबको नमूना परीक्षण गर्दा अन्य २८० जनाको रिपोर्ट भने नेगेटिभ आएको छ।

यो संगै चितवनमा कोरोना संक्रमितको संख्या ३ सय नाघेको छ। उनीहरू मध्ये ११३ जना निको भइसकेका छन्।

You May Also Like

Leave a Reply

Your email address will not be published. Required fields are marked *