खाना पकाउने ग्यास पनि पाइपलाइनबाटै ल्याइने तयारी

  •  
  •  
  •  
  •  
  •  
  •  
  •  

बाराको अमलेखगञ्ज सम्म पेट्रोलीय पदार्थ पाईपबाट आए लगतै अब ग्यासपनी पाईपबाटै ल्याउन सकिने कि नसिके भन्ने चर्चा चल्न थालेको छ ।

नेपाल आयल निगमले खाना पकाउले ग्यास एलपिजी पनि पाइपबाटै ल्याउने योजना बनाएको छ। आयल निगमका अनुसार रक्सौल बोर्डरदेखि चितवनको लोथरसम्म ग्यासको पाइप बिच्छ्याउने योजना रहेको निगमका कार्यकारी निर्देशक सुरेन्द्र कुमार पौडेलले जानकारी दिएका छन।

निर्देशक पौडेलका अनुसार बोर्डरदेखि चितवनको लोथरसम्म ९८ किलोमिटर रूटमा ग्यासको पाइप विछ्याउने योजना अघि बढाइएको छ। पाइपलाइनको सर्भे गर्न इण्डियन आयल कर्पोरेसनले एमएस एसोसियसनलाई जिम्मा दिएको छ।

निगमको आग्रहमा इण्डियन आयल कर्पोरेसनले पाइपलाइनको सर्भे गरिरहेको छ।
पौडेलका अनुसार एमएस एसोसिएसनलाई सात चरणको अध्ययन गर्ने जिम्मेवारी दिइएको छ। बोर्डरदेखि चितवनको लोथरसम्म करिब ९८ किलोमिटर दुरीमध्ये हालसम्म ९७ किलोमिटरमा पाइपलाइनको रेखाङ्कन गर्ने काम समेत सकिएको छ।

त्यस क्षेत्रमा जनसंख्याको घनत्व र माटोको परीक्षण गर्ने काम सकिएको छ। साढे ६७ किलोमिटरमा निगमले विस्तृत इन्जिनियरिङको सर्भे पुरा गरेको निर्देशक पौडेलले जानकारी दिएका छन।

निगमले लोथरमा खरिद गरेको २४ बिघा ९ कट्ठा जग्गामा ग्यासका लागि ४० हजार मेट्रिक टनको भण्डारण गृह निर्माण गरिरहेको छ। बोर्डरबाट चितवनको लोथरसम्म ल्याइएको ग्यासको पाइप उक्त ग्यास भण्डारण गृहमा जोडिने छ।

भारतको हल्दियाबाट मुज्जफरपुरसम्म अहिले ग्यास पाइपलाइनको विस्तार गर्ने काम भइरहेको छ। यो पाइपलाइन मोतिहारीबाट रक्सौलको बोर्डरसम्म आएपछि यसमै लोथरको पाइपलाइन जोडिने निगमले जानकारी दिएको छ।

विस्तृत इन्जिनियरिङ सर्भेपछि पाइपलाइनको लागत खर्च निकालिने छ। निगमका अनुसार ग्यासको पाइपलाइन विछ्याउन आइओसीलाई आग्रह समेत गरिएको छ।

अमलेखगञ्ज–लोथर पाइपलाइन विस्तारले प्रदेश २ र ३ का स्थानीयलाई पेट्रोलियम आपूर्तिमा सहज हुने निगमको विश्वास छ।

(Visited 1 times, 1 visits today)

Leave a Reply

Your email address will not be published. Required fields are marked *