कोरोना संक्रमण आशंका गरिसका व्यक्ति टेकु अस्पतालबाटै फरार

  •  
  •  
  •  
  •  
  •  
  •  
  •  

 

कोरोना भाइरस संक्रमणको आशंकामा राजधानीको टेकुस्थित शुक्रराज ट्रपिकल तथा सरुवा रोग अस्पतालमा जाँच गर्न पुगेका एक बिरामी अस्पतालबाटै फरार भएका छन् ।चीनको बाटो हुँदै नेपाल आएका उनी रुघाखोकी र ज्वरोले ग्रस्त भएपछि स्वास्थ्य जाँचका लागि टेकु अस्पताल पुगेका थिए ।

चेकजाँचका क्रममा कोरोनाको आशंका भएपछि अस्पतालले उनलाई निगरानीमा राख्ने निर्णय गरेको थियो । निगरानीमा राख्ने तयारी गर्दा गर्दै उनी भागेका हुन् ।

स्वास्थ्य तथा जनसंख्या मन्त्रालयका प्रवक्ता महेन्द्र श्रेष्ठका अनुसार ती नागरिक साउदी अरबका हुन् । यो घटना एक साताअघिको हो ।

‘कोरोना परीक्षण गर्न बाँकी थियो । निगरानीमा राख्ने तयारी भइरहेका बेला उनी भागे । उनको खोजी भइरहेको छ,’ स्वास्थ्य प्रवक्ता श्रेष्ठले भने, ‘भाषाको पनि समस्या थियो । यसैकारण, उनलाई नियन्त्रणमा राख्न सकिएन ।

कोरोना भाइरस संक्रमणको आशंका गरिएका व्यक्ति अस्पतालबाट भाग्नुलाई गम्भीर रूपमा लिइएको छ । करिब दुई साताअघि पोखरा पुगेका दुई चिनियाँ नागरिकमा कोरोना भाइरस संक्रमणको आशंका गर्दै मणिपाल अस्पताल रिफर गरिएको समाचार सार्वजनिक भएको थियो । पछि विश्व स्वास्थ्य संगठनले चासो राख्दै खोजीनिती गर्दा मणिपाल अस्पतालले कुनै पनि स्वास्थ्य परीक्षण नगरिएको र कहाँ गएको समेत थाहा नभएको जवाफ दिएको थियो ।

उनीहरूको व्यापक खोजी गरिए पनि अहिलेसम्म सम्पर्कमा ल्याउन सकिएको छैन ।यस अघिपनि कोरोना पुष्टि भएका विरामी पनी अस्पतालको सम्पर्कमा आएका छैनन । अस्पतालको लापरवाहिले गर्दा विरामीहरु लुक्न सफल भएको देखिएको छ भने यस तर्फ सरकारले ध्यानै दिएको छैन ।

(Visited 1 times, 1 visits today)

Leave a Reply

Your email address will not be published. Required fields are marked *