कोरोना महामारी गम्भीर आपतकालीन स्थितिमा: विश्व स्वास्थ्य संगठन

  •  
  •  
  •  
  •  
  •  
  •  
  •  

 

विश्वभर महामारीको रुपमा फैलीएको कोरोना संक्रमण आपतकालीन अवस्थामा पुगेको डब्लुएचओ पुगेको बताएको छ।हालसम्म कोरोना महामारीको चपेटामा परेर ज्यान गुमाउनेको संख्या ६ लाख ५० हजार नाघेपछि डब्लुएचओले यस्तो बताएको हो। यो भाइरसबाट संक्रमित हुनेको संख्या १ करोड ६३ लाख नाघेको छ।

उता अमेरिकामा राष्ट्रपति डोनाल्ड ट्रम्पका राष्ट्रिय सुरक्षा सल्लाहकार रोबर्ट ओब्रायनलाई कोरोना संक्रमण पुष्टि भएको छ। कोरोनाबाट संक्रमित हुने उनी अहिलेसम्मका सबैभन्दा शीर्ष अमेरिकी अधिकारी हुन्।कोरोना संक्रमणको ‘हटस्पट’ अहिले अमेरिका छ। विश्वभरका कोरोना संक्रमितमध्ये करिब २० प्रतिशत अमेरिकामा छन्।

हङकङमा दैनिक संक्रमण उच्च भएको छ। स्थिति बिग्रँदै गएपछि त्यहाँ लकडाउन कडाइका साथ लागू गरिएको छ।उता स्पेनमा कोरोना संक्रमण फेरि बल्झिएको छ। यद्यपि, उसले पर्यटकका लागि स्पेन सुरक्षित रहेको दाबी गरेको छ। बेलायतले स्पेनबाट फर्कनेका लागि १४ दिनको क्वारेन्टिन अनिवार्य गरिदिएको छ। यसले स्पेनको पर्यटन उद्योगलाई असर पर्ने देखिएको छ।

कोरोनाबाट अहिलेसम्म बचिरहेको उत्तर कोरियामा पनि पहिलो संक्रमण देखिएको बताइएको छ। त्यहाँको सरकारी मिडियाका अनुसार दक्षिण कोरियाबाट फर्केका एक व्यक्तिमा संक्रमण देखिएको हो।यता नेपालमापनी लकडाउन खुले लगतै महामारीले ठूलोरुप लिन सुरु गरेको छ भने ज्यान गुमाउनेको सख्यामा समेत बिस्तारै वृद्धिहुदै गएको देखिन थालेको छ ।

You May Also Like

Leave a Reply

Your email address will not be published. Required fields are marked *