‘इनफ इज इनफ’ अभियन्ताले शनिबारदेखि पुन सत्याग्रह सुरु गरे

  •  
  •  
  •  
  •  
  •  
  •  
  •  

 

आफूहरुसँग भएको सहमति सरकारले कार्यान्वयन नगरेको भन्दै ‘इनफ इज इनफ’ अभियानले शनिबारदेखि पुनः सत्याग्रह सुरु गरेको छ ।

सहमति भएको लामो समय बित्दा पनि सरकारले कार्यान्वयनका लागि कुनै पहल नगरेको भन्दै बाध्य भएर पुनः काठमाडौंको बसन्तपुरमा सत्याग्रह थालिएको अभियानले जनाएको छ । यसअघि असार २३ गते सरकार र युवाहरुको अभियान ‘इनफ इज इनफ’ अभियानबीच १२ बुँदे सहमति भएको थियो । अहिले अभियन्ता इशान अधिकारी (इ) सत्याग्रहमा छन् । अधिकारीले दुई हप्ता बितिसक्दा पनि सरकार कोरोना नियन्त्रणका लागि इमान्दार नभएकाले अनसन सुरु गर्नुपरेको बताए । सहमति कार्यान्वयन नहुदा सरकारप्रतिको विश्वास नै कमजोर भएको उनले बताए ।

अभियानले कोरोना भाइरस महामारी नियन्त्रणका लागि सरकारी प्रयास प्रभावकारी बनाउनु पर्ने, नागरिकको जीवन रक्षा गर्नु पर्ने, कोरोना भाइरसको परीक्षण शतप्रतिशत पीसीआर विधिबाट हुनु पर्नेसहितका माग राखेर आन्दोलन गर्दै आएको छ ।

You May Also Like

Leave a Reply

Your email address will not be published. Required fields are marked *