अमेरिकामा डरलाग्दो दुर्घटना: सयौँ घाइते, केहि गम्भीर

  •  
  •  
  •  
  •  
  •  
  •  
  •  

भर्जिनिया- अमेरिकामा डरलाग्दो सडक दुर्घटना भएको छ । भर्जिनियामा आइबार बिहान सडक दुर्घटना हुँदा लगभग ७० वटा गाडीको एउटा थुप्रो बनेको छ ।

पूर्वी भर्जिनियाको इन्टरस्टेट ६४ मा भएको उक्त दुर्घटना बाक्लो कुहिरो र हिउँ परेका कारण चिसो सडकका कारण भएको भर्जिनिया पुलिसले जानकारी दिएको छ ।

दुर्घटनापछि सडकका दुबैतर्फको आवतजावत बन्द गरिएको संचारमाध्यमहरूले जानेका छन् ।

योर्क पोक्वोसन सेरिफको अफिस र भर्जिनिया स्टेट पुलिसमार्फत् प्राप्त फोटोमा दुर्घटनापछि गाडीहरु एक अर्कालाई ठक्कर दिएर एकै थुप्रो लागेको देखिएको छ ।

स्टेटका पुलिसका अनुसार जम्मा ६९ गाडी एक आपसमा ठोक्किएका थिए ।

केही स्थानमा गाडीहरु यति बेस्सरी ठोक्किएका थिए कि अग्नि नियन्त्रक र आपतकालीन सेवामार्फत् कारभित्रका मानिसहरुको उद्धार गर्नुपरेको थियो ।

‘घटनास्थल र अस्पताल गरी ५१ जनाको उपचार भैरहेको छ । जसमध्ये दुईको स्थिती गम्भीर छ,’ योर्क काउन्टीका अग्निनियन्त्रण विभागका प्रमुख स्टिभ कोप्जिन्सिकीले भने ।

(Visited 1 times, 1 visits today)

Leave a Reply

Your email address will not be published. Required fields are marked *